Summæ Deus clementiaæ Mundique factor machinæ ; Unus potentialiter, Trinusque personaliter,

Nostros pius cum canticis Fletus benigne suscipe, Quo corde puro sordibus Te perfruamur largius.

Lumbos jecurque morbidum Adure igni congruo, Accincti ut sint perpetim Luxu remoto pessimo ;

Ut quique horas noctium Nunc concinendo rumpimus, Donis beatæ patriæ Ditemur omnes affatim.

Præsta, Pater piissime, Patrique compar unice, Cum Spiritu Paraclito Regnans per omne sæculum.