Hostis Herodes impie, Christum venire quid times ? Non eripit mortalia Qui ragna dat cœlestia.

Ibant magi, quam viderant Stellam sequentes præviam : Lumen requirunt lumine, Deum fatentur munere.

Lavacra pari gurgitis Cœlestis agnus attigit. Peccata quæ non detulit Nos abluendo sustulit

Novum genus potentiæ Aquæ rubescunt hydriæ, Vinumque jussa fundere Mutavit unda originem.

Gloria tibi, Domine, Qui apparuisti hodie, Cum Patre, et sancto Spiritu, In sempiterna sæcula !