Lucis creator optime (Nouvelle traduction)

Grégoire le Grand,

Lucis creator optime, Lucem dierum proferens, Primordiis lucis novæ Mundi parans originem ;

Qui mane junctum vesperi Diem vocari præcipis : Tetrum chaos illabitur, Audi preces cum fletibus ;

Ne mens gravata crimine Vitæ sit exul munere, Dum nil perenne cogitat, Seseque culpis illigat.

Cœlorum pulset intimum, Vitale tollat præmium, Vitemus omne noxium, Purgemus omne pessimum.

Præsta, Pater piissime, Patrique compar unice, Cum Spiritu Paraclito, Regnans per omne sæculum.