Plasmator hominis Deus (Nouvelle traduction)

Grégoire le Grand,

Plasmator hominis, Deus, Qui cuncta solus ordinans, Humum jubes producere Reptantis et feræ genus ;

Qui magna rerum corpora, Dictu jubentis vivida, Ut serviant per ordinem, Subdens dedisti homini :

Repelle a servis tuis Quidquid per immunditiam Aut moribus se suggerit, Aut actibus se interserit.

Da gaudiorum præmia, Da gratiarum munera, Dissolve litis vincula, Astringe pacis fœdera.

Præsta, Pater piissime, Patrique compar unice, Cum Spiritu Paraclito Regnans per omne sæculum.