Nox et tenebraæ et nubila (Nouvelle traduction)

Prudence,

Nox et tenebraæ et nubila, Confusa mundi, et turbida (Lux intrat, albescit polus, Christus venit), discedite.

Caligo terræ scinditur, Percussa solis spiculo, Rebusque jam color redit Vultu nitentis sideris.

Te, Christe, solum novimus, Te mente pura et simplici, Flendo et canendo quæsumus, Intende nostris sensibus.

Sunt multa fucis illita, Quæ luce purgentur tua ; Tu, lux, eoi sideris, Vultu sereno illumina.

Deo Patri sit gloria, Ejusque soli Filio, Cum Spiritu Paraclito, Et nunc et in perpetuum.