Lux ecce surgit aurea (Nouvelle traduction)

Prudence,

Lux ecce surgit aurea : Pallens fatiscat cæcitas Quæ nosmet in præceps diu Errore traxit devio.

Hæc lux serenum conferat, Purosque nos præstet sihi Nihil loquamur subdolum, Volvamus obscurum nihil.

Sic tota decurrat dies, Ne lingua mendax, ne manus, Oculive peccent lubrici, Ne noxa corpus inquinet.

Speculatour astat desuper, Qui nos diebus omnibus Actusque nostros prospicit, A luce prima in vesperum.

Deo Patri sit gloria, Ejusque soli Filio, Cum Spiritu Paraclito, Et nunc et in perpetuum.