Æterni Patris unice (Nouvelle traduction)

Odon de Cluny,

Æterni Patris unice, Nos pio vultu respice, Qui Magdalenam hodie Vocas ad thronum gloriæ.

In thesauro reposita Regis et drachma perdita, Gemmaque luce inclyta De luto luci reddita.

Jesu, dulce refugium, Spes una pœnitentium, Per peccatricis meritum Peccati solve debitum.

Pia mater et humilis, Naturæ memor fragilis, In hujus vitæ fluctibus Nos rege tuis precibus.

Uni Deo sit gloria, Pro multiformi gratia, Qui culpas et supplicia Remittit, et dat præmia.