Fortem virili pectore (Nouvelle traduction)

Silvio Antoniano,

Fortem virili pectore Laudemus omnes feminam, Quæ sanctitatis gloria Ubique fulget inclyta.

Hæc Christi amore saucia, Dum mundi amorem noxium Horrescit, ad cœlestia Iter peregit arduum.

Carnem domans jejuniis, Dulcique mentem pabulo Orationis nutriens, Cœli potitur gaudiis.

Rex Christe, virtus fortium. Qui magna solus efficis, Hujus precatu, quæsumus, Audi benignus supplices.

Deo Patri sit gloria, Ejusque soli Filio, Cum Spiritu Paraclito, Et nunc et in perpetuum.