Jesu corona virginum (Nouvelle traduction)

Ambroise de Milan,

Jesu, corona virginum, Quem mater illa concipit Quæ sola virgo parturit, Hæc vota clemens accipe.

Qui pascis inter lilia, Septus choreis virginum, Sponsus decorus gloria, Sponsisque reddens præmia :

Quocumque pergis, virgines Sequuntur, atque laudibus Post te canentes cursitant, Hymnosque dulces personant.

Te deprecamur, largius Nostris adauge sensibus Nescire prorsus omnia Corruptionis vulnera.

Laus, honor, virtus, gloria, Deo Patri, et Filio, Sancto simul Paraclito, In sæculorum sæcula !