Jesu salvator sæculi (Temps pascal) (Nouvelle traduction)

Anonyme,

Jesu salvator sæculi, verbum Patris altissimi: lux lucis invisibilis: custos tuorum pervigis.

Tu fabricator omnium, Discretor atque temporum, Fessa labore corpora Noctis quiete recrea.

Ut dum gravi in corpore: brevi manemus tempore: sic caro nostra dormiat ut mens in Christo vigilet.

Te deprecamur supplices, Ut nos ab hoste liberes, Ne valeat seducere, Tuo redemptos sanguine.

Quaesumus auctor omnium in hoc paschali gaudio: Ab omni mortis impetu: tuum defende populum.

Gloria tibi Domine, Qui surrexisti a mortuis, Cum Patre et Sancto Spiritu In sempiterna saecula.