Quem terra pontus æthera (Nouvelle traduction)

Venance Fortunat,

Quem terra, pontus, æthera Colunt, adorant, prædicant, Trinam regentem machinam, Claustrum Mariæ bajulat.

Cui luna, sol et omnia Deserviunt per tempora, Perfusa cœli gratia, Gestant puellæ viscera,

Beata mater, munere Cujus supernus artifex, Mundum pugillo continens, Ventris sub area clausus est.

Beata cœli nuntio, Fecunda Sancto Spiritu, Desideratus gentibus Cujus per alvum fusus est.

Gloria tibi, Domine, Qui natus es de Virgine, Cum Patre et Sancto Spiritu, In sempiterna sæcula !