Tibi Christe splendor Patris (Nouvelle traduction)

Raban Maur,

Tibi, Christe, splendor Patris, Vita, virtus cordium, In conspectu angelorum, Votis, voce psallimus, Alternantes concrepando Melos damus vocibus.

Collaudamus venerantes Omnes cœli milites, Sed præcipue primatem Cœlestis exercitus, Michaelem in virtute Conterentem zabulum :

Quo custode procul pelle, Rex Christe piissime, Omne nefas inimici, Mundo corde et corpore : Paradiso redde tuo Nos sola clementia.

Gloriam Patri melodis Personemus vocibus, Gloriam Christo canamus. Gloriam Paraclito, Qui trinus et unus Deus Exstat ante sæcula.